Polas túas ideas endiañadas
perdín os beizos nas palabras do inferno
e preto de cada alborada
sinto agora como me arde o peito.
Bolboretas febrís e encarnadas
surcan os meus ceos
e moi adentro, moi adentro,
no mesmo lume do meu peito,
fica o teu rosto de demo.
Árdeme o peito co lume do inferno,
mórrenme as palabras no desespero,
só un bico das tebras me salvaría,
so un bico e caeriamos ambos ...
no ceo.
No hay comentarios:
Publicar un comentario